E anga ana taeka ni kakamauri te Kiribati Updates nakoia ana customers ao nake a tia ni kamanena te website aio ibukin aia kakaki botu ao karekean aia rongorongo tabeua man te wareware ao te tamei.
Ara kantaninga bwa e na nako raoi ami bong rake aikai ao ngaira ma ngkami ana bau Kiribati are TE MAURI AO TERAOI AO TE TABOMOA ngaira ma ngkami.
Cheers!
……………………………………………………..
2/1/2012 Am rongorongo man bwanaan Kiribati.
A bane n in n te bong aio mataroaia taabo ni mwakuri ibukin butimwaean te ririki ae boou 2012 are e butimwaeaki man nukanibongin te kaonobong ae nako. Ni kaeineti ma kanoan ana karentare te tautaeka ibukin boong ni motirawa ao te bong aio bon te moan bong ni motirawa n te ririki aio 2012. Bon iai riki te bong n motirawa ake imwina ake a bon tataneiai te aba iai n aron te motirawa ibukin te toa ae bwakate ke te Easter ao te kainaomata ao a mwaiti riki. N te tai aio ao e kakoaua te Ru ni Kareke rongorongo bwa Aro ni Kiritian ake a kabane ibukin kauringaan bungiakin Iesu ibukin te Kiritimati ae nako a reita nako aia kabane ni karokoa te bong aio ike e kantaningaki bwa bon kabanean bongin te butimwaai n te ririki ae boou 2012. Te teirake ni mwakuri ana bane n uki mataroan taabo ni mwakuri nakon te bong ae ningabong.
E a tabe n tena ngkai tain te karebaoki ibukin rinean te Beretitenti ao te kantaninga bwa a bane ni wene raoi ngkai te botanaomata n aia koaua bwa antai aia Beretitenti are ana tauraoi n rineia nakon tain te rinerine ke te kare baoki are ai bon ti tebwi ma teuana riki te bong ma ngkai. E na karaoaki rinean te Beretintenti nakon Tianuare 13 are bon te bong ae te kanimabong te wiki ae na roko. N te tai aio ao e a waaki ngkai te iburokiirouia bwatei nako irouia Boutokan te Koaua, Karikirakean te I Kiribati ao Maurin te Kiribati ibukin aia kaembein ibukia aia aomata ake aira buakon te kauaba nakon te nakoa ni Beretitenti. Te Beretitenti n tararua ngkai ae Anote Tong, Dr Tetaua Taitai ao Rimeta Beniamina ngaia aika a tauraoi ngkai n ira te kauaaba nakon te rinerine ibukin te nakoa ni Beretitenti n Tianuare 13.
E a tia te Beretitenti n taekinna Anote Tong bwa inanon karaoan tibwangana n riki bwa te Bertitenti n tararua ngkai ao e kakoaua bwa e bon mwaiti naba tabena aika a rangi ni kakawaki ibukin te botanaomata. E taekina aio Anote Tong inanon marorona ma ana ribota te Botaki ni Kanako Bwana ma Kareke Rongorongo ngke e titirakinna bwa e uara aron taran te mwakuri ngkai n tararua te tautaeka ni Kiribati ni kabotauaki ma inanon ana tai ngkoa ngke te Beretitenti ngaia imwain tokin maeun te Auti n Tei ae nako. E taku Anote Tong bwa bon akea okoron ana mwakuri are e karaoia ni kabotauaki ma aron ana mwakuri ngkai e reke bwa te Beretitenti n tararua ni karokoa reken te Beretitenti ae boou nakon Tianuare 13. E taku Anote Tong, 59 ana ririki ni maeu bwa te mwakuri ni Beretitenti bon te nakoa ae e na tangira te aomata ae bon rangi ni marurung raoi n te aro ae e na bon kona ni kaitarai kakakewenako aika a bati inanon ana tai n taua nakoana.
…..
All ministries, companies and businesses close their doors today in honor of New Years Day. According to the program for public holidays received from the office of the President today is the first public holiday for this year 2012. Other public holidays are expected to come in few more months; these include Easter Break Independence Day and many more. Radio Kiribati News believed Christian gathered at their meeting halls at their own places continued today from Christmas until today to greet the New Year 2012.
Election Day for the nation’s new president is now counting down and members of the eligible voters who had been willing to cast their votes for the new president are now settle to elect their new leader for the next four years. The Presidential election will fall on Friday January the 13th next week. Political party of the ruling party Boutokaaan te Koaua together with two opposition parties, Karikirakean te I Kiribati and Maurin Kiribati are gearing their campaign before the date on January the 13th. Care taker President Anote Tong, Dr Tetaua Taitai and Rimeta Bineamina are the candidates vying in this month presidential election.