3/1/2012.
Ai ti teuana tabun riki te wiiki ao e a nako kain rineakin te Beretitenti iaon Kiribati, aio are e keterea bwanaan Kiribati ni katanoata rimarenan ana kaongora inanon wiki aika a nako. Te kanimabong ae 13th January 2012 man te aoa 7 am nakon 6pm bon tain te rinerine.
Angiia aomata ake a tia ni koro aia ririki 18 ao iaona a bon tara ni wene nako ma aia aomata bwa antai ae na kaira Kiribati inanon te aua n ririki ae imwaira aio. Ake anga araia ni kan riki ni Beretitenti ibukin te aua n ririki aio bon 1) Anote Tong, 2) Dr Tetaua Taitai ao 3) Rimeta Beniamina.
…
3/1/2012. Man bwanaan Kiribati.
E a tia te manatia n te Kiribati Board Authority ni kamatoa bwa a tia n roko tabeua bwaai ni mwakuri ake ana kamanenaki ibukin wakinan te karikirake iaon karababan ana uabu te KPA are I Betio. E taku Rube Eromwanga nakon te Ru ni KarekeRrongorongo bwa iai riki uoua kaibuke ake ana uoti riki bwaai ni mwakuri ake a kantaningaki rokoia inanon namwakaina aika Bebberuare ao Eberi n te ririrki aio. Bwai ni mwakuri aikai bon te mitin, te bwaati, te tuck boat ao bwaai ni kateitei. E taku Rubee bwa te kabanea ni kaibuke bon inanon te amwakaina ae Eberi ao ma ikanne are e a kantaningaaki naba bwa e a kona ni wakinaki te mwakuri ae bubura aio. Aio bon te karikirake ae nakon aud$30m te kabana mwane iaona are e mwanenna te tautaeka n Tiaban ao are e na wakinaki irouia naba ana kambwana Tiaban ae te Dai Nipon Construction ao teuana riki.
A karaoa aia anga bebwa kaain kawan Bairiki n aia mwaneaba ae te Narikai mwaneaba iaon te rabakau ae te moan kamaeu n te kaonobong n te wiki ae nako. Irua ake a roko nikakoaua aia anga bebwa bon te kauntira ma i Bairiki, aia tia babaire ma ana kauoman, te bIribin n aine , te cooredinator n te kawa aio ao ai te te tia reirei temanna man te Botaki ae te Kaibangaki Uraura iaon Kiribati are e a roko bwa e na anga aia bebwa. E nage nan ne ao e taekinna Takuria Takabea are bon te tia reirei n te Botaki ni Kaibangaki Uraura iaon Kiribati n ana maroro bwa bwaai ake a reirei iaoia e bon boboto iaonaron kamaeuan te aomata are e toki burona ke are e a tong ao bon nakon naba are e tiaoki n te iti, te aomata ae ikoaki ni bwaai aika a kakang,te aomata kabaea roroana ao a bati riki.E taku riki Taborenga bwa a kona ngkai kaain te kawa ake a tia n reke aia bebwa bwa a kona n riki bwa ana aomata te Botaki ni Kaibangaki Uraura iaon Kiribati ngkana a kabaka tem wane ae $1.00 nakon te botaki aio. Irarikin ane ao e kamatoa naba n taekinna aia coordinator n te kawa aioa e Kauaba Ibutuba bwa n taai rake aikai ao bon iai naba aia reirei ae boboto iaon te karao bwai n akawa are ena kairaki iroun temanna te I Tiaban.
Te KEIP ke te Kiribati Education Improvement Program bon te rabwata ni karikirake are e a tia ni mwiokoaki iroun te Tautaeka ni Kiribati ao rabwata ni karikirake tabeua bwa e na karaoaki nako ana stargetic plan ke e na waaki ma a bon nako te Botaki n Reirei inanon tebwina te ririki. N ana kaongora te botaki n reirei ao e kaotia iai bwa karaoan tabena KEIP aio are e a tia ni moana karaoana n te ririki ae nako 2011ao are ena toki nanon katabeana anne n 2020. E akotia te Botaki n Reirei bwa iai ana bowi KEIP are e a tia ni karaoai n te ririkia e nako I Nadi Biti are e bobot ana bowi anne iaon ongoraeakinan aia kaoti rabwata ni karikirake ke development partners ake a mwakuri ma irouia ke e aana KEIP. Aia kaoti anne are e boboto ibukin ana kai ni baire te Boataki n Reirei n te aua n ririki aika man 2012 aio nakon 2015. N Ritebwa 19 ao e a manga tewea naba ana bowi bon iaon Tarawa ikai bwa reitan are e karaoaki I Boiit ike e a karaia iai ana kaongora mwin te bowi nakoia taan reirei ake aki reke iria n te bowi are e karaoaki I Biti. Kanoan te bowi anne bon rinanoan bwaai ake a a karaoaki n te bowi I Biti ao n noraki bwa te bowi anne e tamaro ibukin kanoan ana waaki te karikirake aio.
Ao a bane n uki ao n okira aroia n te bong aio ana botaki nako nimwakuri te tautaeka ma ana kambwana nako imwin te bong ni motirawa ngkoananoa ibukin butimwaean te ririrki ae boou aio 2012. Ai oar ee oti iai bwa bon te kabanea ni bong ni motirawa n te ririrki ae nako ngkoananoa 2011 ngkai ti a manga toua kanoan te ririki ae boou 2012. E ngae n anne ao a kantaningaaki botaki n aro aika a kakaokoro iaon Tarawa Teinaninano bwa ana bane naba ngkai n oki rikaaki n te bong aio imwin kabaneane kania uoua te wiki ni kabane ibukin buitmwaean te Kiritimati ao te ririki ae vboou are e a tia n roko n tokina n te tai aei.